Təhlükəsizlik Sistemləri

Təhlükəsizlik sistemi obyektlərin, evlərin və digər məkanların qorunması üçün istifadə olunan texnoloji avadanlıqlar və proqram təminatlarının birləşməsidir. Bu sistemlər müxtəlif sensorlar, kameralar, siqnalizasiya qurğuları və nəzarət panelləri vasitəsilə işləyir. Bu sistemlərin əsas məqsədi oğurluq, icazəsiz giriş və digər təhlükəli halların qarşısını almaqdır.
Bu məqalədə təhlükəsizlik sistemlərinin növləri, seçim zamanı diqqət edilməli məqamlar, unvan.az saytında təhlükəsizlik sistemləri satışı və qiymətləri haqqında məlumat əldə edəcəksiniz.

Təhlükəsizlik sistemləri növləri

Kamera sistemi ən çox tələb olunan təhlükəsizlik həllidir. Mağazalarda oğurluq halları, ofisdə iş prosesi və ya həyətə kimin daxil olması kimi vəziyyətlər kameralar vasitəsilə rahat izlənilir. IP kameralar əsasən uzaqdan nəzarət istəyən istifadəçilər üçün seçilir. Telefon vasitəsilə canlı görüntüyə baxmaq mümkün olur. Siqnalizasiya sistemi əsasən xəbərdarlıq funksiyasını yerinə yetirir. Obyektə icazəsiz giriş olduqda sistem dərhal siqnal verir.
Bəzi məkanlarda əsas problem oğurluq deyil, nəzarətsiz giriş olur. Bu səbəbdən, girişə nəzarət sistemləri istifadə edilir. Bu sistemlər obyektə kimin daxil olduğunu idarə etməyə imkan verir. Biometrik sistemlər daha yüksək təhlükəsizlik tələb olunan məkanlarda istifadə edilir. Barmaq izi və ya üz tanıma texnologiyası ilə işləyir. Kart itirmək və ya kod paylaşmaq kimi problemlər bu sistemdə olmur.

Təhlükəsizlik sistemlərinin satışı və qiyməti

Unvan.az saytında təqdim olunan təhlükəsizlik sistemləri fərqli funksiyalara malik olur. Məsələn, sadə müşahidə üçün istifadə olunan kamera sistemləri 70-120 manat aralığında olur. Daha yüksək keyfiyyətli IP kamera modelləri isə adətən 150-350 manat arasında dəyişir. 4 kameradan ibarət hazır müşahidə dəsti isə 320-600 manat civarında olur. Siqnalizasiya sistemləri isə adətən 90-250 manat aralığında təqdim edilir. Sadə hərəkət sensoru 20-40 manat aralığında olur. Qapı və pəncərə sensorları isə adətən 15-35 manat civarında təqdim edilir.

Təhlükəsizlik sistemləri seçərkən diqqət edilməli məqamlar

Təhlükəsizlik avadanlığı uzun müddət işləməli olan texnikadır. Keyfiyyətsiz kamera və ya sensor bir müddətdən sonra görüntü verməməyə və ya səhv siqnal göndərməyə başlayır. Keyfiyyətli sistemlərdə görüntü daha aydın olur, sensorlar daha dəqiq işləyir.
Təhlükəsizlik sistemi yalnız avadanlıqdan ibarət deyil, düzgün quraşdırma da eyni dərəcədə vacibdir. Kamera səhv bucaqdan quraşdırıldıqda giriş sahəsi görünməyə, sensor düzgün yerləşdirilmədikdə isə siqnal verməyə bilər. Buna görə sistemin quraşdırılması təcrübəli ustalar tərəfindən aparılmalıdır. Təhlükəsizlik sistemi seçərkən ən ucuz variantı seçmək həmişə düzgün qərar olmur. Çox ucuz avadanlıqlar qısa müddətdə sıradan çıxa bilər və nəticədə əlavə xərc yaranar. hər obyekt üçün ən bahalı sistem də lazım olmur. Ən düzgün yanaşma ehtiyaca uyğun və balanslı seçim etməkdir.