Tikinti materialları

Tikintiyə başlayan insanların ən çox çətinlik çəkdiyi məsələ düzgün material tapmaqdır. Bəzən keyfiyyətsiz material seçimi sonradan divar çatları, izolyasiya problemi və əlavə xərc yaradır. Buna görə tikinti materialı alarkən həm keyfiyyətə, həm də layihəyə uyğunluğa diqqət etmək vacibdir. unvan.az saytında layihənizə uyğun müxtəlif tikinti materialları mövcuddur.

Tikinti materiallarının əsas növləri

Beton və sement əsasən bünövrə, kolon və daşıyıcı hissələr üçün istifadə olunur. İnsanlar çox vaxt zəif qarışıq və ya keyfiyyətsiz sement istifadə etdikdə sonradan divarlarda çatlar yaranır. Buna görə düzgün markalı sement və uyğun beton qarışığı seçmək vacibdir. Divar tikintisində ən çox istifadə olunan material kərpic və müxtəlif tikinti bloklarıdır. Bəzi istifadəçilər yalnız ucuz variant seçdiyi üçün divarlar ağır olur və istilik izolyasiyası zəif qalır. Qazbeton və digər yüngül bloklar isə həm tikintini sürətləndirir, həm də divarın çəkisini azaldır.
Böyük obyektlərdə və geniş sahəli tikililərdə metal konstruksiyalar istifadə olunur. Bu materiallar əsasən karkas sistemlərində və dam konstruksiyalarında tətbiq edilir. Keyfiyyətsiz metal seçildikdə isə paslanma və deformasiya problemi yaranır. Taxta materiallar daha çox dam işlərində, karkas konstruksiyalarda və interyer elementlərində istifadə olunur. İstifadəçilərin tez-tez qarşılaşdığı problem isə qurumamış və keyfiyyətsiz taxtanın istifadə edilməsidir. Belə material zamanla əyilir və konstruksiyanı zəiflədir.

Tikinti materailllarının satışı və qiyməti

Unvan.az saytında müxtəlif tikinti materialları fərqli qiymətlərlə təqdim olunur. Saytda sement, kərpic, qazbeton blokları, armatur, taxta materialları və digər tikinti məhsulları kimi müxtəlif material növləri təqdim olunur. İstifadəçilər ehtiyaclarına uyğun materialı seçərək tikinti üçün lazım olan əsas məhsulları bir yerdə tapa bilirlər. Tikinti materiallarının qiyməti materialın növündən və ölçüsündən asılı olaraq dəyişir. Məsələn, sementin bir kisəsi təxminən 8 - 12 AZN, standart kərpicin bir ədədi 0.35 - 0.60 AZN, qazbeton bloklarının bir ədədi isə ölçüsündən asılı olaraq 3 - 7 AZN aralığında olur.

Tikinti materialları alarkən nələrə diqqət edilməlidir?

Hər tikinti işi üçün eyni material uyğun olmur. Məsələn, daşıyıcı divar üçün istifadə olunan material ilə arakəsmə divar üçün seçilən material fərqli olur. Yanlış material seçimi tikintinin möhkəmliyinə təsir edə bilər. Tikintidə keyfiyyətsiz material istifadə edildikdə problem adətən bir müddət sonra ortaya çıxır. Divarlarda çatlar yaranır, örtük materialları tez sıradan çıxır və əlavə təmir xərcləri yaranır. Keyfiyyətli və möhkəm material isə tikilinin uzun müddət problemsiz istifadə olunmasına kömək edir.