Vanna

Vanna hamam otağında istifadə olunan və çimmək üçün nəzərdə tutulmuş sanitar avadanlıqdır. Bir çox insan duşdan istifadə etsə də, vannada çimməyin verdiyi rahatlıq tamam fərqlidir. Unvan.az saytında müxtəlif ölçü, material və dizaynda vannaların satışı həyata keçirilir. Burada hər büdcəyə uyğun vanna qiymətləri ilə tanış ola bilərsiniz.

Vanna növləri

Vanna seçimi çox vaxt hamam otağının ölçüsü, istifadə rahatlığı və materialın keyfiyyəti ilə bağlı olur. Müştərilər ya hamam otağına uyğun model tapmırlar, ya da alınan vanna qısa müddətdə deformasiya olur. Buna görə material və konstruksiya fərqlərini əvvəlcədən bilmək vacibdir. Akril vannalar ən çox soruşulan modellərdəndir. İnsanlar əsasən yüngül olması və tez quraşdırılması səbəbindən bu vannalara üstünlük verir. Səthi hamar olduğu üçün kir və ləkə çox tutmur, təmizləmək də rahatdır. Çuqun vannalar daha çox uzunömürlü istifadə istəyən müştərilər tərəfindən seçilir. Bu modellər ağırdır, amma çox möhkəmdir v ə illərlə forma dəyişmir. Suyun temperaturunu uzun müddət saxlayır.
Polad vannalar daha sadə və münasib qiymətli seçim axtaran insanlar üçün uyğundur. Bu modellər yüngül olduğu üçün daşınması və quraşdırılması çətin olmur. Adətən kirayə evlərdə və standart hamam otaqlarında daha çox istifadə edilir. Süni daş vannalar daha çox dizayna önəm verən müştərilər tərəfindən seçilir. Bu modellər həm möhkəm olur, həm də görünüş baxımından fərqli və estetik görünür. Səthi qalın və keyfiyyətli olduğu üçün cızılma və deformasiya riski azdır.

Vanna satışı və qiymətləri

Unvan.az saytında müxtəlif ölçü və materiallardan hazırlanmış vannalar təqdim olunur. Ən sadə vannalar təxminən 60-150 AZN aralığında tapıla bilər. Orta səviyyəli modellər isə 250-600 AZN civarında olur. Daha keyfiyyətli və dizayn modelləri isə 700-1500 AZN və daha yuxarı qiymətə qədər yüksəlir. Akril vannalar adətən 300-600 AZN aralığında olur, çuqun və daha ağır materiallı modellər isə daha bahalı olur. Ölçü böyüdükcə və dizayn mürəkkəbləşdikcə qiymət də artır. Məsələn, standart akril vannalar təxminən 300-500 AZN, böyük ölçülü və sərbəst dizaynlı vannalar isə 700-1200 AZN civarında satılır. Hidromasaj, cakuzi və xüsusi dizayn kimi əlavə funksiyalar qiyməti xeyli artırır. Belə modellər adətən 1200-3000 AZN və daha yuxarı qiymətə qədər nəzərdə tutulur.

Vanna seçərkən nələrə diqqət edilməlidir?

Vannanın materialı onun nə qədər davamlı olacağını müəyyən edir. Səthi nazik və zəif olan modellər tez cızılır və zamanla formasını dəyişə bilər. Daha qalın və keyfiyyətli materialdan hazırlanan vannalar isə uzun müddət istifadə zamanı problem yaratmır və səthi tez köhnəlmir. Hamam otağının ölçüsünə uyğun vanna seçmək vacibdir. Bəzi hallarda böyük vanna quraşdırıldıqda hamam otağında hərəkət etmək çətinləşir.
Çox kiçik model seçildikdə isə istifadə zamanı rahatlıq olmur. Quraşdırma prosesi də seçim zamanı nəzərə alınmalıdır. Bəzi vannaların quraşdırılması çətin olur və əlavə iş tələb edir. Sadə konstruksiyalı modellər isə daha tez quraşdırılır və əlavə xərc yaratmır.