sebet.az onlayn maqazin

Məşhur avtomobil şirkəti istehsalı dayandırır

Məşhur avtomobil şirkəti istehsalı dayandırır"Rolls-Royce Motor Cars" şirkətinin baş icraçı direktoru Torsten Müller-Otvos (Torsten Müller-Ötvös) bildirib ki, 2016-cı ildə şirkət cari nəsil "Phantom" modelinin istehsalını dayandıracaq.

Unvan.Az Trend-ə istinadən bildirir ki, bir müddət öncə isə şirkət 2018-ci ildən etibarən bütün "Rolls-Royce" modellərində istifadə olunacaq yeni alüminium platformasını sınamağa başladığını elan edib. Baş icraçı direktor onu da bildirib ki, "Phantom Coupe" və "Drophead Coupe" modelləri gələcəkdə istehsal olunmayacaq. Bu əfsanəvi modellərin dövrünün bitməsi 50 möhtəşəm avtomobildən ibarət xüsusi "Phantom Zenith" kolleksiyası ilə qeyd olunacaq.

Yeddinci nəsil "Rolls-Royce Phantom" modelinin istehsalına 13 il bundan öncə başlanılıb. Bu model "Rolls-Royce Motor Cars" brendinin dirçəlişində aparıcı rol oynayıb. Hazırda isə dəbdəbənin zərif və güclü göstəricisi sayılan möhtəşəm "Phantom VII" öz tarixinin sonuna yaxınlaşır.

Bu ilin noyabrında Qudvud əyalətində yerləşən "Rolls-Royce" zavodunda "Phantom Coupe" və "Drophead Coupe" modellərinin son nüsxələri buraxılacaq ki, bir müddət sonra bu nəsil avtomobillərin istehsalı dayandırılacaq. Lakin kolleksiyaçıları şad xəbər də gözləyir, belə ki, istehsalın dayandırılmasına qədər 50 xüsusi avtomobildən ibarət "Phantom Zenith" kolleksiyasını buraxacaq. Bunula yanaşı, bu il "Phantom VII" limuzinlərinin son nüsxələri də istehsal olunacaq.

"Mən fəxr və həyəcan ilə bildirirəm ki, yaxın zamanda biz qabaqcıl texnologiyalar və dizayn yenilikləri ilə istehsal olunmuş dəbdəbəli və müasir yeni "Phantom" avtomobilini təqdim edəcəyik. "Phantom" avtomobillərinin hər yeni nəsli - avtomobil tarixində yeni dövr yaradır, ona görə də biz mükəmməlliyi əldə etməyə çalışırıq", - deyə T. Müller-Otvos bildirib.

"Rolls-Royce Motor Cars" şirkəti ilk dəfə "Phantom VII" modelini 2003-cü ildə təqdim edib və bununla da ultra-lüks avtomobil istehsalında yeni yüksək standartları müəyyənləşdirib. "Phantom VII" 13 ildən çox dəbdəbənin etalonu hesab olunub. Bu illər ərzində öz gözəlliyi ilə dünyanı heyrətləndirmiş və dəbdəbəli avtomobil anlayışını yenidən yaratmış bir sıra möhtəşəm "Phantom" modeli Qudvudda istehsal olunub. İndi isə məşhur modelin tarixində yeni səhifə açmaq vaxtıdır.

Dünya avtomobil səhnəsini tərk etməyə hazırlaşan "Phantom VII" hələ də unikal və bənzərsiz dəbdəbə etalonu sayılır: hər biri tarixin son nüsxəsi olacaq və məhdud sayda istehsal ediləcək kolleksiya modelləri "Phantom VII"nin yolunu tamamlayacaq. "Rolls-Royce Motor Cars" şirkətinin "Bespoke" seriyasına cavabdeh dizaynerlər "Phantom Coupe", "Drophead Coupe" və "Limousine" modellərinin unikal variantlarını hazırlayacaqlar. Hər bir "Rolls-Royce" avtomobilini əl ilə istehsal edən istedadlı mütəxəssislər unikal və unudulmaz avtomobilləri yaratmaq üçün uzun və zəhmət tələb edən işə indidən hazırlaşırlar.

İlk xüsusi kolleksiya "Phantom Zenith" adlandırılacaq ki, bura "Rolls-Royce Motor Cars" şirkətinin istehsal etdiyi son 50 "Phantom Coupe" və "Drophead Coupe" modelləri daxil olacaq.

"Zenit - inkişaf, zirvə və mükəmməlliyin etalonu deməkdir, - deyə "Rolls-Royce Motor Cars" şirkətinin baş dizayneri Cayls Teylor (Giles Taylor) qeyd edib. - Kolleksiya öz adını tamamilə doğruldacaq. "Phantom Zenith" seriyası "Phantom Coupe" və "Drophead Coupe" avtomobillərində istifadə olunmuş ən yaxşı seçimləri əks etdirəcək və müştərilərə bir neçə xoşagələn sürprizlər təqdim edəcək. Bir daha istehsal olunmayacağına görə bu kolleksiyanın müştərilər arasında yüksək maraq yaradacağını düşünürük".

Xoş sürprizlər sırasında avtomobilin yük bölməsinə yerləşdirilmiş piknik üçün ləvazimatlar, lazer ilə işlənmiş və "Rolls-Royce" 100EX və 101EX modellərinin dünyaya ilk dəfə nümayiş olunduğu Villa d'Este və Cenevrə şəhərlərinin qoltuqaltında görüntüləri və əfsanəvi "Spirit of Ecstasy" heykəlciyinin yeni təfsiri yer alıb. Bundan başqa, hər bir alıcıya qiymətli suvenir təqdim olunacaq. Kolleksiyaya daxil olacaq avtomobillər "Rolls-Royce" tarixinin fərqli dövrlərinə həsr olunmuş maraqlı rənglər qammasında təqdim olunacaq.

Tarix: 24 Feb 2016 | Baxılıb: 2484

Oxşar xəbərlər

Maşının mühərrikini qızdırmaq vacibdirmi?

Maşının mühərrikini qızdırmaq vacibdirmi?

Avtomobili hərəkətə gətirmədən öncə mühərriki qızdırmaq məsələsi illərdir sürücüləri narahat edir. Bəzi sürücülər bunun vacibliyini qeyd etsə də, bir çoxu heç bir əhəmiyyətinin olmadığını hesab edir.

Avtosalonlar sürücüləri belə soyur

Avtosalonlar sürücüləri belə soyur

Paytaxtda avtomobilini təmir etdirmək istəyən sürücülər zəmanət adı altında avtoservislər tərəfindən aldadılır. Sonxəbər.az-ın məlumatına görə, adi bir avtomobil təmiri sexində mühərrikin yağını

Nissan Juke 2 yeni fərqli təchizat paketi ilə təqdim edildi

Nissan Juke 2 yeni fərqli təchizat paketi ilə təqdim edildi

İndiyə kimi bir çox mükafatlar qazanan yeni Nissan Juke krossover modelini Orta Asiya regionu üçün daha da fərqli etmək məqsədilə, Nissan, 2 yeni təchizatlı xüsusi ekskluziv Juke modellərini təqdim

Yeni Cerato-nun sirri açıldı - FOTOLAR

Yeni Cerato-nun sirri açıldı - FOTOLAR

İnternetdə Şimali Amerikada "Forte", Avropada isə "Cerato" adı ilə məşhur olan sedan "Kia K3"-ün şəkilləri yayılıb. Sedan əsaslı şəkildə təkmilləşdirilib, beləliklə, onu

Bu maşınların taksi kimi istifadəsinə qadağa qoyuldu

Bu maşınların taksi kimi istifadəsinə qadağa qoyuldu

Bakıda ikiqapılı, fərdi konstruksiya əsasında hazırlanan, əlil avtonəqliyyat vasitələrinin taksi minik avtomobilləri kimi istismarına qadağa qoyulub. Trend-in məlumatına görə, bu, "Bakı

Dünyanın ən sürətli avtomobili - Yeni BUGATTİ - Fotolar

Dünyanın ən sürətli avtomobili - Yeni BUGATTİ - Fotolar

Bu avtomobil çox danışılacaq. Çünki, dünyanın ən sürətli avtomobili kimi qələmə düşüb. Belə ki, İtaliyanın Bugatti avtokonserni yeni avtomobil modeli hazırlayıb. "Bugatti Veyron"un xələfi

Gürcüstanda avtomobillər kəskin bahalaşacaq

Gürcüstanda avtomobillər kəskin bahalaşacaq

Gələn ilin mart ayından etibarən Gürcüstanda avtomobillər orta hesabla 30 faiz bahalaşacaq. Bundan başqa, satışa çıxarılan maşınların sayı azalacaq, onların ixracı aşağı düşəcək. Unvan.az Milli.Az-a

"Bugatti" dünyanın ən bahalı avtomobilini göstərdi

"Bugatti" dünyanın ən bahalı avtomobilini göstərdi

Fransanın "Bugatti" avtomobil şirkəti Cenevrənin avtosalonunda dünyanın ən bahalı avtomobilini təqdim edib. Unvan.az "Report"a istinadən bildirir ki, bu barədə istehsalçının

Toyota 3 milyon avtomobilini geri çağırdı

Toyota 3 milyon avtomobilini geri çağırdı

Toyota şirkəti 2,9 milyon avtomobilini geri çağırır. Unvan.az anspress-ə istinadən bildirir ki, Yaponiya avtomobil istehsalçısı Toyota təhlükəsizlik kəməri problemi səbəbindən dünya üzrə 2,9 milyon