"BMW"dən "Mercedes"ə gözdağı
"BMW"nin 7-ci nəsli "Mercedes-Benz S" seriyası ilə rəqabəti daha da gücləndirəcək.
Unvan.az-ın məlumatına görə, yeni model həm dizayn, həm də tətbiq olunan yeni texnologiyalarla bağlı gözləntiləri doğruldacaq. Bu günə qədər ən lüks və ən komfortlu 7-ci seriya kimi xarakterizə edilən avtomobilin dizaynı olduqca dinamik bir görünüşə sahibdir. 6-cı seriyadan fərqli olaraq idman detallarının daha qabarıq şəkildə yer aldığı avtomobil "Laserlight" adı verilən yüksək texnologiyalı işıqlandırma sistemi ilə təhciz edilib. Avtomobilin dizaynı sələfi ilə bənzər olsa da, ön bamperdəki duman əleyhinə lampalar və xrom işləmələr görünüşdəki fərqləri daha da artırır. Arxa hissədə isə L şəklindəki stoplar və yeni bamper dizaynı diqqət çəkir.
"BMW 750i" modeli 4.4 litrlik TwinPower Turbo V8 mühərriklə təhciz edilib. Avtomobil 450 at gücündəki mühərriki ilə 100 km/saat-lıq sürəti 4,4 saniyəyə yığır. "BMW 740i" isə 3.0 litrlik 6 silindrli TwinPower Turbo mühərriklə təqdim edilir. 326 at gücündə 100 km/saat-lıq sürəti 5.5 saniyədə yığır.
