Bakıda ucuz maşın bazarı
İyulun 14-də Əmlak Məsələləri Dövlət Komitəsi (ƏMDK) yanında Hərracların Təşkili üzrə Auksion Mərkəzində (HTAM) avtomobil hərracı keçiriləcək.
Unvan.az-ın ƏMDK-ya istinadən verdiyi məlumata görə, hərraca istehsal ili 1997-ci ildən 2007-ci ilə qədər olan 17 nəqliyyat vasitəsi çıxarılacaq. Avtomobillərin qiyməti 1497 manatdan 3471 manata qədər dəyişir. 8-ci sətirdəki "Nissan Sanny" təkrar hərraca, 17-ci sətirdəki "Daewoo Leganza" 4-cü dəfə, 25% endirimlə hərraca çıxarılır.
Hərracda iştirak etmək istəyənlər əldə etmək istədikləri avtomobilin start qiymətinin 10%-i qədər, Azərbaycan Mərkəzi Bankındakı AZ65NABZ01361150000000004944 nömrəli hesaba beh ödəməlidir. Daha sonra ödəniş qəbzini şəxsiyyət vəsiqəsi ilə birlikdə iyulun 11-nə qədər hərrac komissiyasına təqdim etmək lazımdır. HTAM Bakı şəhəri, Nərimanov rayonu, Zeynal Xəlil küçəsi, 11a ünvanında yerləşir.
