Azərbaycanda mobil internetlə WhatsApp zəngi bərpa edilib
Məlumat verdiyimiz kimi, Azərbaycanda da kifayət qədər populyar olan WhatsApp mesajlaşma xidmətinin zəng funksiyası ilə bağlı ötən ilin iyul ayından bəzi problemlər yaşanırdı.
Belə ki, bu xidmət ölkəmizdə məhdudlaşdırılmışdı, mobil internetlə WhatsApp- ın zəng funksiyasından istifadə mümkün deyildi.
Bununla bağlı da mediada çoxsaylı müzakirələr yer aldı.
Delta Telecom-da baş vermiş yanğından sonra ölkədə WhatsApp-ın zəng funskiyasının qismən bərpa olunduğunu bildirmişdik.
WhatsApp-ın zəng funksiyasının qismən bərpa olunması isə bu məhdudiyyətin MTN tərəfindən qoyulması barədə şübhələrin əsaslı olduğunu göstərdi.
Ötən il, noyabr ayının 16-da baş vermiş yanğından iki gün öncə ölkədə WhatsApp-ın zəng funksiyasının işləməməsi ilə bağlı da araşdırma yazımız dərc olunmuşdu.
Xatırladaq ki, bir müddət əvvələ qədər mobil internet vasitəsilə bu funksiya ilə zənglər mümkün olmasa da, Wi-Fi texnologiya ilə WhatsApp-dan zənglər etmək mümkün idi.
Xeberler.az-ın məlumatına görə, artıq ölkəmizdə mobil internetdə də bu problem aradan qaldırılıb.
Belə ki, hazırda mobil internet vasitəsilə də WhatsApp zəngləri etmək mümkündür.
xeberler.az
