Bakıda torpaq və evlərin son durumu
Bakının daşınmaz əmlak bazarında qiymətlər 1,53% enib.
Unvan.az-ın məlumatına görə, bu barədə "MBA Group" konsaltinq şirkətinin rəhbəri Nüsrət İbrahimov fins.az-a bildirib. Onun sözlərinə görə, ötən ay ən böyük ucuzlaşma torpaq bazarında baş verib. Ötən ay torpaqların qiyməti 4,1% azalıb. İndi Bakıda 1 sot torpağın orta qiyməti 16 737 dollardır. Köhnə mənzillərin qiyməində isə 3,5% azalma var. Alıcıların azalması və tələbatın aşağı düşməsi nəticəsində qiymətlər 1 kvadratmetr üçün orta hesabla 15 49 dollara enib. Köhnə mənzillərdən fərqli olaraq ilkin mənzil bazarında, yəni yeni tikililərdə qiymətlər enməyib və orta qiymət 1037 dollardır. Kommersiya obyektlərinin qiymətində isə azalma güzidir – cəmi 1,1%. Bu azalmadan sonra kommersiya obyektlərinin 1 kvadratmetrinin orta qiyməti 3140 dollara enib.
