Mənzil alarkən aldanmaq istəmirsinizsə, buna əməl edin

Mənzil alarkən aldanmaq istəmirsinizsə, buna əməl edinSon illər vətəndaşların üzləşdiyi ən aktual problemlərdən biri də yeni tikilən binalardan mənzil alarkən aldanmaları, bir mənzilin eyni vaxtda bir neçə vətəndaşa satılması məsələsidir.

Unvan.az-ın məlumatına görə, məsələ ilə bağlı trend-ə açıqlama verən Milli Məclisin Hüquq siyasəti və dövlət quruculuğu komitəsinin üzvü Rəfael Cəbrayılov hesab edir ki, bu cür problemlərin yaranma səbəblərindən biri də vətəndaşların hüquqi biliklərinin yetərli olmamasıdır.

O bildirib ki, bu məsələlər bu gün qanunvericiliklə tənzimlənir. Vətəndaşlar yeni tikilən binalardan mənzil alarkən mütləq hüquqşünas köməyindən istifadə etməlidirlər: "Burada söhbət mənzil-tikinti kooperativlərindən gedir. Kooperativlər haqqında qanun da var, kooperativlərin nizamnaməsi də var. Əgər bir insan hələ tikintisi başlamayan binadan mənzil almaq istəyirsə, verdiyi pulun müqavilində kooperativə üzv daxil olmalıdır. Yəni kooperativin qərarı əsasında ora üzv daxil olur və qoyduğu pulun müqavilində pay alır. Əgər sonra hansısa problem yaranarsa, yarımçıq tikili olsa belə satılaraq həmin vətəndaşın pulu qaytarılmalıdır".

R.Cəbrayılov qeyd edib ki, sovet dönəmində də mənzil-tikinti kooperativləri vardı, hər kəs öz mənzilinin payına uyğun pul qoyurdu və binanı tikirdi: "Bu gün də qanunvericilikdə bu məsələ tənzimlənib. Əfsuslar olsun ki, bu gün mənzil-tikinti kooperativləri altı-satqı müqaviləsi imzalayır. Amma əgər insanlar da hələ ortada olmayan mənzillə bağlı kooperativlərlə alqı-satqı müqaviləsi bağlayırsa, artıq vətəndaş özünü risk altına atır. Çünki bu, müqavilə deyil".

O, əlavə edib ki, digər tərəfdən də reputasiyası çirklənmiş firmalar var, onları hamı tanıyır: "Vətəndaş da bir müşahidə apamalıdır ki, bu firma bunu tikə bilir və ya bilmir. Bu firma haqqında, onun rəhbəri haqqında məlumat toplamalıdır. Yoxsa kor-koranə şəkildə gedib özlərini riskə atırlar. Dələduzluq dünya yaranandan olub, yenə də olacaq. Ancaq insanlar dələduzluqdan bir nəticə çıxarmalıdır və özlərini qorumalıdır. Əgər insan gedib tamamilə qanundankənar bir müqavilə bağlayırsa, bir dələduzun toruna düşürsə, qanun nə edə bilər? Kimsə bir insandan pul alır və mənzili bir neçə şəxsə satırsa, bunun üçün Cinayət Məcəlləsində dələduzluq maddəsi var, 12 ilə qədər həbs müddəti nəzərdə tutulur. Yəni buna görə qanunda boşluq axtarmaq düzgün deyil. İnsanlar öz hüquqi biliklərini artırmalı, bu cür hallardan özlərini qorumalıdırlar. Maliyyə riskli addımlar atarkən mütləq vəkilin köməyindən istifadə etməlidirlər".

Hüquqşünas, Azərbaycan Vəkillər Kollegiyasının üzvü Vüqar Babayev də bu cür məsələlərdə vətəndaşların hüquqi yardımdan istifadə etməsini zəruri sayır. O bildirib ki, kooperativdən mənzil alarkən alıcılar özlərinin kooperativin ortaq (assosiativ) üzvlüyünə qəbul edilməsi barədə kooperativ üzvlərinin ümumi yığıncağının protokolundan çıxarış tələb etməyi də unutmamalıdırlar.

Məsələnin həlli yollarından biri kimi V.Babayev hesab edir ki, müqavilələrin vahid reyestrinin yaradılması önəmlidir: "Burada söhbət ondan gedir ki, mənzil-tikinti kooperativləri satdıqları mənzillərin alqı-satqısına dair müqavilələri bunun üçün müəyyən edilmiş xüsusi reyestrdə qeydiyyatdan keçirməlidirlər. Bu zaman mənzil-tikinti kooperativləri həm müqavilədə göstərilən mənzilin dəyərini açıq göstərməyə, həm də ölçüləri dəqiq qeyd etməyə məcbur olacaqlar. Eyni zamanda, ən əhəmiyyətli məsələ isə müqavilələrin reyestrdən çıxarışı olmadan qeyd edilən mənzilləri alıb-satmaq mümkün olmayacaq ki, bu da vətəndaşları aldadılma hallarından qoruyacaq".

V.Babayev tikintisi başa çatmayan binalarla bağlı sığortanın tətbiqinin də problemlərin qarşısını ala biləcəyini söyləyib: "Məsələn, Türkiyə təcrübəsində satılan mənzillərin sığortalanması məsələsi var. Tikintisi başa çatmamış mənzillər satılarkən mütləq sığorta şirkəti tərəfindən sığrtalanır və əgər gələcəkdə binanın tikintisi başa çatmırsa, tikinti ilə bağlı hər hansı problemlər yaranırsa, alıcıya dəymiş zərəri sığorta şirkəti ödəyir. Bu məsələ bizim qanunvericilikdə də öz əksini tapsa yaxşı olardı".

Tarix: 2 Oct 2015 | Baxılıb: 2466

Oxşar xəbərlər

İpoteka alanların 60 faizi özəl sektorda işləyir

İpoteka alanların 60 faizi özəl sektorda işləyir

İpoteka kreditləri üzrə yenidən maliyyələşdirilən ipoteka kreditlərinin həcmi 572 749 230 manat olub. Unvan.az İpoteka Fonduna istinadən xəbər verir ki, indiyə qədər 16 318 ədəd ipoteka krediti

Masazırda 100-ə yaxın ev söküləcək

Masazırda 100-ə yaxın ev söküləcək

FHN əməkdaşları partlayan evə yaxın ərazilərdə də yoxlamalar apardılar. Abşeron rayonu Masazır qəsəbəsində 100-ə yaxın ev söküləcək. Səbəb isə həmin ərazidə yeraltı qazların mövcudluğudur. Oxu.Az

Əmlakın və torpağın qeydiyyatı üçün "bir pəncərə" yaradıldı

Əmlakın və torpağın qeydiyyatı üçün "bir pəncərə" yaradıldı

Əmlak Məsələləri Dövlət Komitəsi daşınmaz əmlakların, o cümlədən torpaq sahələrinin qeydiyyatı sahəsində "bir pəncərə" prinsipinə başlayıb. Unvan.az bildirir ki, Kkomitədən fins.az-a

Bu qaydaları pozan şəxslər CƏRİMƏLƏNƏCƏK

Bu qaydaları pozan şəxslər CƏRİMƏLƏNƏCƏK

Azərbaycanda dövlət reyestrinin aparılması qaydalarını pozanlar cərimələnəcəklər. Bununla bağlı İnzibati Xətalar Məcəlləsinə əlavələr edilib. Həmin əlavələrə əsasən, daşınar əmlakın yüklülüyü

Banklar güzəştli ipoteka kreditini dayandırıb

Banklar güzəştli ipoteka kreditini dayandırıb

Hazırda İpoteka Fonduna müvəkkil olan 14 bankda adi ipoteka krediti üzrə aktiv növbə var. Unvan.az İpoteka Fonduna istinadən xəbər verir ki, yerdə qalan digər 16 müvəkkil bankda aktiv növbə yoxdur.

Bakıda mənzilləri ucuzlaşmağa qoymayan 5 SƏBƏB

Bakıda mənzilləri ucuzlaşmağa qoymayan 5 SƏBƏB

"Value and Sources" konsaltinq şirkəti mənzil bazarında qiymətlərin enməsinə mane olan 5 səbəbi müəyyən edib. Şirkətdən bildirilib ki, bu səbəblər olmasaydı paytaxtda mənzillər 30-35%

İpoteka krediti kimlərə verilib?

İpoteka krediti kimlərə verilib?

İndiyə qədər banklar 16 318 ədəd ipoteka krediti veriblər. Bunun 3681 ədədi güzəştli olub. Unvan.az Dövlət Statistika Komitəsinə istinadən xəbər verir ki, ipoteka kreditlərinin inzibati rayonlar üzrə

100 milyon dollarlıq daşınmaz əmlak dələduzluğu

100 milyon dollarlıq daşınmaz əmlak dələduzluğu

ABŞ-ın Federal Ticarət Komissiyası (FTC) bu günə qədər ölkədə görülən ən böyük daşınmaz əmlak investisiya dələduzluğu hadisəsi ilə bağlı hərəkətə keçib. Federal Ticarət Komissiyası (FTC) Vaşinqtonda

Ev tikmək üçün yeni qaydalar

Ev tikmək üçün yeni qaydalar

Azərbaycanda tikintiyə icazə verilməsinin ümumi qaydaları dəyişdirilir. Qaynar.info xəbər verir ki, Milli Məclisdən Trend-ə verilən məlumata görə, bu barədə məsələ parlamentin aprelin 28-də