Texnika təmiri

Texnika təmiri evlərdə və obyektlərdə istifadə olunan cihazların sıradan çıxdıqdan sonra yenidən işlək vəziyyətə qaytarılması prosesidir. Xrda bir detalın dəyişdirilməsi də texniki təmirə daxildir. Paltaryuyan su boşaltmırsa, kondisioner lazımi səviyyədə soyutmursa və ya elektrik sobası bərabər qızmırsa, bu artıq gündəlik həyatın axışını dəyişən texniki problemdir.
İnsanlar texnika sıradan çıxana qədər onun işləmə prinsipi ilə maraqlanmır. Cihaz problemsiz işlədiyi müddətdə varlığı hiss olunmur. Amma dayandığı an evdəki bütün rutin pozulur. Texnika təmiri yalnız mexaniki proses deyil, davamlılıq ilə birbaşa bağlı praktik sahədir.

Ev və obyektlərdə ən çox sıradan çıxan texnikalar hansılardır?

Texniki nasazlıqlar bütün cihazlarda eyni sürətlə yaranmır. İstifadə tezliyi, quraşdırma şəraiti və vərdişləri bu prosesə birbaşa təsir edir. Paltaryuyan və qabyuyan maşınlar evdə ən çox işlədilən texnikalar sırasındadır. Həftə ərzində dəfələrlə istifadə olunmaları su nasosu, filtr və idarəetmə hissələrinin daha tez aşınmasına səbəb olur. Praktikada qarşılaşılan problemlərin əksəriyyəti istehsal qüsuru ilə yox, istifadə vərdişləri ilə bağlıdır. Filtrin uzun müddət təmizlənməməsi və uyğun olmayan yuyucu vasitələr nasazlıqları sürətləndirir.
Soyuducu fasiləsiz işlədiyi üçün daimi yüklənmə altındadır. Temperaturun stabil saxlanmaması, motor səsinin artması və ya arxa hissənin normadan artıq isinməsi tez-tez müşahidə olunur. Kondisionerlər mövsümi işləsə də, baxım gecikdirildikdə qısa müddətdə funksional problemlər yarana bilər. Çirkli filtrlər, qaz səviyyəsinin azalması və ya xarici blokun düzgün quraşdırılmaması cihazın effektivliyini azaldır. Restoran, mağaza və ofislərdə istifadə edilən texnikalar ev cihazlarına nisbətən daha tez sıradan çıxır. Bunun əsas səbəbi fasiləsiz və intensiv istismardır. Sənaye tipli soba və soyuducuların gün ərzində dəfələrlə işlədilməsi mexaniki hissələrin ömrünü qısaldır.

Texnika təmiri xidmətlərinin növləri

Unvan.Az saytında texnika təmiri müxtəlif istiqamətlər üzrə aparılır. Bu bölgü işin texniki çətinliyinə və ustanın ixtisaslaşma sahəsinə əsaslanır. Təmirin əsas mərhələsi nasazlığın düzgün müəyyən edilməsidir. Diaqnostika zamanı problem yaradan hissə dəqiqləşdirilir və sonrakı addımlar buna uyğun planlaşdırılır. Bu mərhələ görünməz ola bilər. Amma səhv qiymətləndirmə əlavə xərclərə yol açır. Mexaniki təmir fiziki hissələrin dəyişdirilməsi və ya bərpasını əhatə edir. Kəmər, podşipnik və nasos kimi detallarla bağlı işlər bu qrupa daxildir. Burada ehtiyat hissəsinin keyfiyyəti həlledici rol oynayır. Çünki aşağı keyfiyyətli detal problemi qısa müddətdə yenidən yarada bilər.
Müasir texnikalar əsasən elektron idarəetmə üzərində qurulub. Sensorlar, platalar və proqram təminatı ilə bağlı nasazlıqlar xüsusi bilik və dəqiq avadanlıq tələb edir. Texniki müdaxilə yalnız nasazlıq yarandıqdan sonra aparılmır. Profilaktik baxım cihazın stabil işləməsini təmin etməyə yönəlib. Filtrlərin təmizlənməsi, əsas hissələrin yoxlanması və ümumi vəziyyətin qiymətləndirilməsi bu mərhələyə daxildir. Praktikada bu yanaşma nasazlıqların sayını azaldır. Lakin çox vaxt nəzərə alınmır.

Texnika təmiri xidmətlərinin qiyməti

Texnika təmirində qiymət sabit anlayış deyil və əvvəlcədən dəqiq rəqəm demək çox vaxt mümkün olmur. Sadə mexaniki nasazlıqla elektron platanın dəyişdirilməsi eyni xərci tələb etmir. Diaqnostika zamanı problemin miqyası dəqiqləşdikcə qiymət də aydınlaşır. Bəzi hallarda təmir xərci yeni cihazın dəyərinə yaxınlaşa bilər. Bu nöqtədə alternativ seçimlər nəzərdən keçirilməlidir. Hər model üçün ehtiyat hissəsi tapmaq mümkün olmur. Xüsusilə köhnə texnikalarda bu çətinlik qiymətə birbaşa təsir edir. Orijinal hissələrlə uyğun analoqlar arasında ciddi fərq ola bilər. Seçim edilərkən yalnız ilkin xərc deyil, uzunmüddətli istifadə də nəzərə alınmalıdır.
Bəzi təmir işləri ünvanında aparıla bilir. Lakin mürəkkəb hallarda servis şəraiti tələb olunur. Yerində təmir rahatdır, hər zaman texniki baxımdan mümkün olmur. Servisə daşınma əlavə vaxt və xərc yaratsa da, bəzən bu yeganə real variantdır.

Usta seçərkən nələrə diqqət etməli

Texnika təmirinin nəticəsi çox vaxt ustanın yanaşmasından asılı olur. Düzgün seçim həm vaxt itkisini, həm də əlavə xərcləri azalda bilər. Hər usta bütün texnika növlərində eyni səviyyədə işləyə bilmir. Bəziləri məişət cihazlarında, digərləri isə sənaye avadanlıqlarında daha təcrübəlidir. Ustanın ixtisas sahəsini əvvəlcədən dəqiqləşdirmək praktik baxımdan lazımdır. Peşəkar usta problemi dərhal hissə dəyişməklə həll etməyə çalışmır. Əvvəl səbəbi araşdırır, sonra təmir variantlarını təqdim edir. Bu yanaşma lazımsız müdaxilələrin və əlavə xərclərin qarşısını alır. Təmir sonrası verilən zəmanət ustanın gördüyü işə münasibətini göstərir. Zəmanət yazılı və ya şifahi ola bilər. Amma hər iki halda məsuliyyətin aydın olması istifadəçi üçün əlavə təhlükəsizlik yaradır.