Torpağın qiymətində artım var

Daşınmaz əmlak bazarında torpağın bahalaşması müşahidə olunur. Bahalaşma son bir ay ərzində 2-3 % qeydə alınıb. Mütəxəssislər bahalaşmanın əsas səbəbi kimi mövsumi amillərlə, həmçinin əhalinin alıcılıq qabiliyyətinin aşağı düşməsi ilə əlaqələndirirlər. Torpağın qiymətinin 10 %-ə qədər artacağı ehtimal olunur. Bu artımın sentyabr ayına kimi davam edəcəyi gözlənilir.daha sonra isə qiymətlər tədricən stabilləşəcək.

Hazırda orta hesabla paytaxtda 1 sot torpaq 16 min dollaradır. Bazarda təklif olunan torpağın 1 sotunun orta qiyməti müxtəlif zonalar üzrə dəyişir. Məsələn Bakının mərkəzi hesab olunan 1-ci zonada qiymətlər hər sot üçün 199 min dollar, 2 ci zonada 179 min dollar, 3 cü zonada 41 min dollar, şəhərin ətrafı sayılan 4 cü zonada isə 7 min dollardan artıq olub. Torpaq bazarında ən çox müraciət olunan ərazilər Binəqədi və Qaradağ rayonlarını aid etmək olar. Ən passiv rayon isə Səbail rayonudur.

İndiki vəziyyətdə mənzil almağın çətinliyini nəzəzə alan vətəndaşlar pulu dəyərləndirməyin ən sərfəli yolunun torpağa qoyulan yatırım olduğunu düşünürlər. Paytaxt sakinlərinin fikrincə torpaq alıb üzərində istənilən ev və ya obyekt tikmək mümkündür. Həmçinin torpaqda istədiyin dizaynda ev tikmək mümkündür. Bazardakı canlanmanın səbəblərinə gəldikdə isə satıcılar bunu son 1 ildə paytaxtda söküntülərin sürətlənməsi ilə əlaqələndirirlər. Şəhərsalma ilə bağlı tədbirlərin həyata keçirilməsi, şəhərdaxili köhnə yaşayış massivlərinin söküntüsü hesabına fərdi-yaşayış evlərinə və sənədli torpaq sahələrinə tələbin artması ilə izah edirlər. Amma əvvəlki illərdən fərqli olaraq müştəri qiymətdən öncə sənədlə maraqlanır.

Mütəxəssislərin fikrincə, hazırda insanlar torpaq alarkən sənədlərin qaydasında olmasını üstün tuturlar. Ən çox 3-6 sot olan torpaq sahələrinə maraq var.